احيي أعضاء لجنة الخمسين اللى تعبوا خلال الشهور اللى فاتت فى وضع الدستور الجديد بحيى كل الاعضاء اللى شاركوا وتعبوا الاعضاء الخمسين وقبلهم الخبراء وطبعا المشاركين معاهم فى كل الاعمال وانهم يوصلوا الى دستور له صفه التوازن لهذا الوطن، وذى ما انتو عارفين كان يمثل الكنيسة المصرية نيافة الانبا بولا ونيافة الانبا انطونيوس من الجانب الكاتوليكى والدكتور صفوت البياضى، طبعا تعبوا كتير ونيافة الانبا بولا موجود معانا تعب كتير مع كل الاعضاء الخمسين فى عمل مشترك وعمل جيد وسهر ومتابعة وتدقيق فى الكلمة وربما فى الحرف والحقيقة يعنى دى خطوة من خطوات التقدم لمصر واتمنى انها تكمل بسلام، وفى نفس الوقت ده يدعونا جميعا كمصريين للمشاركة الايجابية واظن بنود الدستور الجديد كلها بتتذاع وبتتقال عشان يبقى كل واحد عارف كل شئ فيها.