استقبل شعب سان فرانسيسكو قداسة البابا استقبالا مهيبا والذي بدوره قال : ” قالوا لى هتشوف ناس فى سان فرانسيسكو ماشفتهمش قبل كده “
انا سعيد ان اشوفكم جميعا. سعيد ان ارى عروض الاطفال والكبار و الترانيم والعزف. وسعيد بالاداء الرفيع والختام الرائع. سعيد بالعرض الفرعوني الجميل الذي يعبر عن التاريخ القديم والحضارة المصرية. سعيد بكورال الاطفال وسعيد بوجودكم كلكم. سعيد اني ازور سان فرانسيسكو وقالوا لي ها تشوف ناس سان فرانسيسكو ما شفتهمش قبل كده. زي الملائكة ومنظمين جدا وماعندهمش زحمة. سعيد بالضيوف وبالاباء الاساقفة اللي معانا. سعيد بحديث معالي السفيرة وكلامها الطيب وروحها الطيبة. وقد تقابلنا قبل كدة اكثر من مرة ومشاعرها طيبة ومحبتها فياضة. وباعتز بفريق العمل في قنصليتنا بلوس انجيلوس. انتم عملتم امسية جميلة وواضح ان الاباء والخدام بذلوا مجهود كبير. وانا جايب لكم سلام من مصر. وحشتكم مصر؟ هي وحشتني جدا كما لو اني بقالي شهور بعيد عن مصر. جميل انكم تقدموا عروض مصرية بالتاريخ. حتى لو بقيتوا امريكان لازم التاريخ يبقى معروف. منذ شهرين كانت بتزورني مسؤلة اوربية وقالت لي انا جدي الرابع كان قبطي من ايام الحملة الفرنسية. وعاوزة احضر قداس قبطي. عاوزه ترجع لاصلها. مصر الان بتمر بمنعطف كبير. ولكن عين الله الحارسة لبلدنا جعلتها تقف على قدميها وتجتاز المحنة. ويوجد على خريطة الطريق 3 خطوات.
1 – الدستور
2 – انتخابات الرئاسة واول مرة في تاريخ مصر يكون هناك رئيس سابق ورئيس حالى منتخب. ويوجد اناس كثيرين يحملوا هم مصر ويقودوها بحكمة ومهارة. والذي يؤكد على ذلك هو نجاح ما تعيشه مصر.
- اول مثال : مشروع قناة السويس. ودي هدية لكل العالم. ودي اشارة لروح جديدة لمصر. اول مرة المصريين يدفعوا 64 مليار جنيه مصري اتلمت في اسبوع. وهذه هي رغبة المصريين لحياة جديدة.
- علامة ثانية : لما اراد الرئس السيسي ان يهنيء المسيحيين جاء ودخل الكاتدرائية وشرف وهنا كل المصريين اول مرة في التاريخ. بلا شك دي علامة توضح الروح الجديدة.
– علامة جديدة : مصر كانت تسعى ان تكون في مجلس الامن وحازت على نسبة عالية. دي ثقة من شعوب العالم. نبدا في مصر بدايات جديدة. بدايات جيدة جدا. مستقبل رائع ينتظر شبابنا احنا ماشيين في. الطريق الصحيح. لا تلتفتوا للاعلام الخاطيء على مستوى الكنيسة والوطن. ثقوا في كل الاخبار الجيدة. كل سنة وانتم طيبين.
